Klassik Azərbaycan Xalq Cəbhəsi Partiyasının (KXCP) sədri Mirmahmud Mirəlioğlunun prezidentliyə namizədliyi irəli sürülüb. Bu barədə KXCP Ali Məclisinin yanvarın 29-da keçirilən toplantısında qərar qəbul edilib. Məlumatı KXCP-nin mətbuat xidməti yayıb.
Xatırladaq ki, bu il Azərbaycanda prezident seçkiləri bu il oktyabrın 17-də keçiriləcək.
M.Mirəlioğlu 1980-cı illərin əvvəli- 1990-cu illərin sonlarında milli-demokratik hərəkatın fəal iştirakçılarından olub.
1990-cı ildə Azərbaycan Ali Sovetinin deputatı seçilib. 1995-cı ildə Azərbaycanın müstəqilliyi bərpa olunduqdan sonra birinci çağırış Milli Məclisin üzvü olub.
2000-ci ildə M.Mirəlioğlu parlamentə deputat seçilsə də seçkilərin saxtalaşdırılmasına etiraz olaraq mandatdan imtina edib.
KXCP-dən əvvəl, yanvarın 27-də Müsavat Partiyası prezident seçkilərinə qatılmaqla bağlı qərar verib. Müsavatın prezidentliyə namizədi partiyanın keçmiş başqanı İsa Qəmbərdir.
