Accessibility links

Ukrayna ictimaiyyəti Fikrət Hüseynlinin müdafiəsinə qalxıb


Ukrayna ictimai təşkilatları jurnalist Fikrət Hüseynlinin Azərbaycana ekstradisiyasına qarşı çıxıb.

Onlar Ukrayna Baş Prokurorluğuna müvafiq müraciət göndərərək jurnalistə qarşı yoxlamanın təcili başa çatdırılmasını və maneəsiz olaraq Niderlanda getməsinə şərait yaradılmasını xahiş edib.

Ukraynada jurnalistə ciddi təhlükə var. Belə ki, martın 5-də Kiyevdə naməlum şəxslər onu oğurlamaq istəyiblər, müraciətdə deyilir.

Müraciət müəllifləri xatırladır ki, AŞPA-nın qətnaməsində F.Hüseynlini Bakıda gözləyən təhlükə ilə bağlı narahatlıq ifadə olunur.

Onlar Prezident Administrasiyasını, Ukrayna Xarici İşlər Nazirliyini F.Hüseynlinin hüquq və azadlıqlarının təmin olunması üçün hər şeyi etməyə çağırır.

Müraciəti Kütləvi İnformasiya Vasitələri İnstitutu, İnsan Hüquqları Platforması, İnsan Hüquqları İnformasiya Mərkəzi, Media Detektoru, Demokratiya və Qanunun Aliliyi Mərkəzi, "İnternyus-Ukrayna" imzalayıb.

F.Hüseynli 2017-ci il oktyabrın 14-də Kiyevdən Düsseldorfa uçarkən Azərbaycanın sorğusu əsasında İnterpol xəttilə saxlanılıb. Azərbaycanda o, dələduzluq və sərhədi qanunsuz keçməkdə ittiham olunur.

Oktyabrın 18-də Ukraynanın Borispol Şəhər Məhkəməsi onun Azərbaycana ekstradisiyası məsələsinə baxmaq üçün 18 gün müddətinə həbs edib.

Oktyabrın 27-də Kiyevin Lukyanovski Məhkəməsi Ukrayna Ali Radasının deputatı Mikola Knyajitskinin və ictimai xadim Boris Zaxarovun zaminliyi ilə F.Hüseynlini azad edib. Eyni zamanda məhkəmə dövlət ittihamçısının F.Hüseynlinin Azərbaycana ekstradisiyası haqqında vəsatətini təmin etməyib.

Kiyev prokurorluğu F.Hüseynlinin azad edilməsindən apellyasiya şikayəti verib və onun həbs edilməsini tələb edib.

Protest üzrə məhkəmə yanvarın 17-də başlayıb, ancaq 4 dəfə təxirə salınıb. Nəhayət, fevralın 13-də məhkəmə ekstradisiyadan imtina edib.

Dünyaya Baxış

Dünyaya Baxış. Blinken və Lavrov Ukrayna gərginliyi ilə əlaqədar görüş keçirib
please wait

No media source currently available

0:00 0:12:30 0:00
XS
SM
MD
LG