Accessibility links

BQXK cəbhə xəttindən Azərbaycan vətəndaşının cəsədini götürüb


Beynəlxalq Qırmızı Xaç Komitəsi

Avqustun 15-də Beynəlxalq Qızıl Xaç Komitəsi ATƏT-in Minsk qrupu həmsədrlərinin, ATƏT-in fəaliyyətdə olan sədrinin şəxsi nümayəndəsi ofisinin koordinasiya edilmiş şəkildə təmas xəttinə yaxın yerdə insan meyitinin götürülməsinə dəstək verib.

Bu barədə BQXK-nin Bakı nümayəndəliyi bildirib.

Nümayəndəliyin məlumatına görə, əməliyyat müvafiq orqanların razılığı ilə həyata keçirilib.

BQXK meyitin kimliyi barədə məlumat verməyib.

Ermənistan mediası rəsmi qurumlara istinadən avqustun 12-də Qarabağda qoşunların təmas xəttində Azərbaycan vətəndaşının meyitinin aşkar olunması barədə xəbər yayıb.

Xəbərə görə, əldə olunan razılığa əsasən avqustun 15-də BQXK, ATƏT-in fəaliyyətdə olan sədrinin şəxsi nümyəndəsinin vasitəçliyi ilə meyit neytral zonadan götürülərək Azərbaycan tərəfinə təhvil verilib.

Azərbaycanın rəsmi qurumlarından bununla bağlı hələ məlumat almaq mümkün olmayıb.

Amerika İcmalı

Amerika İcmalı - 23 İyul 2021
please wait

No media source currently available

0:00 0:29:57 0:00
XS
SM
MD
LG