İranda daşlanma hökmü altında olan Səkinə Aştiyaninin oğlu ilə müsahibə keçirən iki xarici vətəndaş həbs edilib. İranın dövlət televiziyası həmin şəxslərin turist vizası ilə ölkəyə daxil olduğunu, lakin jurnalist kimi fəaliyyət göstərdiyini bildirib. 43 yaşlı Aştiyani 2006-cı ildə Təbriz məhkəmələrinin iki hökmü ilə ölüm cəzasına məhkum edilib. Birinci hökm onun həyat yoldaşının qətli ilə əlaqədar asılma, ikincisi isə xəyanət ittihamı ilə daş-qalaq cəzasıdır.