Somalidə Əl-Şabab qrupunun Puntland ştatındakı hərbi bazaya hücumu nəticəsində 50-yə yaxın insan öldürülüb. Onlardan 3-ü nəfəri yüksək rütbəli zabitlərdir.
Ağır silahlanmış ekstremistlər hücum zamanı qadınlar da daxil olmaqla, insanların başını kəsib. Onlarla insan xəsarət alıb.
Bu, regionda son illərin ən ağır hücumu hesab edilir. Əl-Qaidə ilə bağlılığı olan Əl-Şababın sıralarına İslam Dövləti yaraqlılarının qoşulması təhlükəsizlik qüvvələrinə böyük problem yaradıb.
Əf-Urar bazasına girməzdən əvvəl ekstremistlər əsgərləri qətlə yetirib.
Rəsmilərin ölənlərin sayının dəqiq olmadığını bildirir.
Yüksək rütbəli ordu rəsmisi Associated Press-ə bildirib ki, hadisə yerinə qüvvələr göndərilib və onlar bazanı 100-ə yaxın yaraqlıdan təmizləyib.
Əl-Şəbab hücum zamanı 61 əsgərin öldürüldüyünü iddia edir. Qrup bundan əlavə çoxsaylı silah və hərbi avadanlıq, habelə onlarla zirehli maşının ələ keçirildiyini bildirib.
