Somali rəsmilərinin bildirdiyinə görə, şənbə günü Moqadişudakı prezident sarayının yaxınlığındakı iki partlayış nəticəsində ölənlərin sayı 30-a çatıb.
Benadir rayonunun ictimaiyyətlə əlaqələr şöbəsinin rəhbəri Muxtar Dhaqa-kadde yaralıların sayının 54 olduğunu bildirib.
Şənbə günü baş verən partlayışların biri milli teatr yaxınlığındakı prezident sarayının təhlükəsizlik postunu hədəf alıb. İkinci partlayış da oraya yaxın ərazidə baş verib.
Hər iki partlayışa görə məsuliyyəti öz üzərinə Əl-Şabab terror təşkilatı götürüb.
Birinci partlayış nəticəsində ölənlərin arasında məşhur somalili jurnalist, Londonda yerləşən Universal TV-nin “Dood Wadaag” verlişinin aparıcısı Avil Dahir Salad da olub.