Noyabrın 7-də səhər saatlarından başlayaraq Bakının mərkəzi prospekt və küçələrində böyük avtomobil tıxacları yaranıb.
Tıxaclar paytaxtın mərkəzi və ətraf rayonlarını əhatə edir. Avtomobillər bir neçə kilometr məsafəni qət etmək üçün saatlarla gözləməli olur.
Nəqliyyat Nazirliyinin Nəqliyyatı İntellektual İdarəetmə Mərkəzinin məlumatına görə tıxacların yaranmasına səbəb paytaxtın əsas mərkəzi hissəsində avtomobil yollarını birləşdirən Koroğlu Rəhimov küçəsinin 3 günlük təmirə bağlanmasıdır.
Tıxaclar hazırda da davam edir.
