İsrail və Fələstin liderləri fikir ayrılıqlarını arxada qoyub, sülh əldə edilməsi vaxtının çatdığını bildirirlər. İsrailin baş naziri Benyamin Netanyahu bu gün kabinet üzvlərinə İsrailin təhlükəsizliyi naminə fələstinlilərlə güzəştlərə hazır olduğunu deyib. Baş nazir bildirib ki, köhnə problemlərin yeni üsullarla həlli İsraildən yaradıcılıq tələb edir.
Bu arada Fələstinin sülh müzakirəçisi Saed Erekat İsrailin Ordu radiosuna bildirib ki, müzakirələrə son qoyub, qərarlar qəbul etmək lazımdır. Cənab Erekat uğursuzluğun Fələstin muxtariyyətinin dağılmasına yol açmaqla bərabər,olduqca baha başa gələcəyi barədə xəbərdarlıq verib.