İsrailin Tel-Əviv və digər şəhərlərində artmqda olan qiymtlərə etiraz olaraq aksiya keçirilib. Nümayişçilər əllərində plakatlar qaldırıb, şüarlar səsləndirib. “Milyonların yürüşü” adlı aksiyanın təşkilatçıları ev və təhsil qiymətlərinin yüksəliyinə diqqətləri cəlb etmək istədiklərini deyib. Etiraz dalğası iyul ayında fəalların Tel-Əviv meydanında çadır düşərgəsi salması ilə başlayıb. Avqust ayında İsrailin baş naziri Benyamin Netanyahu iqtisadi islahatlar həyata keçirilməsi məqsədi ilə komissiya yaradılmasına göstəriş vermişdi. Hökumət vergilərdə ixtisar etsə də, əhali hökumətin ölçülərinin kifayət etmədiyindən şikayətlənir.
