Türkiyə rəsmilərinin bildirdiyinə görə, İstanbulun Etilər rayonundakı avtobus dayanacağında bomba partlayışı 7 adamın yaralanmasına səbəb olub. İstanbul valisi Hüseyn Avni Mutlunun partlayışdan sonra verdiyi məlumata görə, xəsarətlər ciddi deyil.
Partlayış səhər saatlarında polis təlim mərkəzi yaxınlığında baş verib. Partlayışa bombanın səbəb olduğu polis tərəfindən təsdiq edilib. Lakin hücumun arxasında kimin durduğu bəlli deyil. Türkiyə iyun ayının 12-də parlament seçkilərinə hazırlaşır.
