Norveçin Statoil şirkəti Transadriatik boru kəməri layihəsində (TAP) 20% payını İtaliyanın Snam şirkətinə 208 milyon avroya satmaq qərarına gəlib. Bu barədə Statoil-un saytında məlumat yayılıb.
TAP layihəsi “Şahdəniz” qaz-kondensat yatağının “Mərhələ 2” çərçivəsində hasil edilən qazın Avropa İttifaqı ölkələrinə nəqlini nəzərdə tutur.
Statoil-un TAP layihəsindən çıxması onunla izah olunur ki, boru kəmərləri şirkətin fəaliyyəti üzrə profil istiqamət deyil və şirkət neft-qaz hasilatı layihələrinə yönəlmək niyyətindədir.
Sövdələşməni Statoil üçün sərfəli hesb etmək olar. Belə ki, tikinti işlərinə hələlik başlanılmayıb. Qrafikə görə, TAP-ın inşasına 2016-cı ildə başlanmalıdır.