Sudanda müstəqillik referendumuna bir necə saat qalmış üsyançılarla Sudanın Xalq Azadlıq Ordusu arasındakı qarşıdurma zamanı 4 nəfər həlak olub. Ölənlərin üsyançılar olduğu deyilir. Sudanın cənub bölgəsinin müstəqillik səsverməsi Sudanda müsəlman çoxluqla xristian cənub arasında gedən uzun müddətli vətəndaş müharibəsinə son qoyan 2005-ci il sülh razılığı imzalanarkən vəd olumuşdu. BMT Təhlükəsizlik Şurası cənubun müstəqilliyi üzərində keçiriləcək referendumun nəticələrinə hörmət edəcəklərini vəd etdiklərinə görə Sudanın şimal və cənub liderlərini alqışlayıb.