Suriyada İŞİD-lə mübarizə aparan ABŞ-ın başçılıq etdyi koalisiyanın qeyri-döyüş əməliyyatları zamanı hərbi personal üzvü həlak olub.
Koalisiyanın bəyanatında hadisənin bazar ertəsi baş verdiyindən əlavə başqa məlumat verilmir.
Amerikanın bu yaxınlaradək o ölkədə 2 min əsgəri xidmət göstərirdi. Onlar son illər yardım missiyalarında iştirak edir, yerli tərəfdaşlarına məsləhətlər verir.
ABŞ prezidenti dekabr ayında qüvvələrin Suriyadan çıxarılacağını bəyan etmişdi.
Ağ Ev daha sonra 200 nəfərdən ibarət əsgəri qüvvənin o ölkədə qalacağını bəyan edib.
