Suriya fəallarının bildirdiyinə görə, hökumət qüvvələrinin Homs şəhərindəki hücumları zamanı azı 12 nəfər öldürülüb. Məlumatda bu gün Baba-Əmro məhəlləsində həyata keçirilən hücumlar zamanı ölənlər arasında bir uşağın da olduğu deyilir.
Suriya hökuməti xarici informasiya agentliklərinin bölgədə fəaliyyətinə məhdudiyyətlər qoyduğu üçün ölənlərin sayı barədə dəqiq məlumat verilmir.
Bu gün həyata keçirilən əməliyyatlar Suriya ordusunun Homs şəhəri ətrafında mümkün hücumlara hazırlıq məqsədi ilə tanklar və digər hərbi sursat yerləşdirməsindən bir gün sonraya təsadüf edir.
