Türkiyə turizm şirkətlərinin bildirdiyinə görə, ölkə iqtisadiyyatının əsas dayağı olan turizm sənayesinə iki yeni verginin qüvvəyə minməsi və xərclərin kəskin artmasından sonra növbəti il lazımi ziyarətçi sayına və gəlir hədəflərinə çatmaq çox çətin ola bilər.
Ötən il bu sahədə xərclərin 35 artması və qiymətlərdə öz əksini tapacaq yeni vergilərin tətbiq olunması Türkiyənin turizm müştərilərinin Aralıq dənizinin digər ölkələrinə üstünlük verməsinə səbəb ola bilər.
Turizm Türkiyənin əsas gəlir mənbəyidir. 2016-2017-ci illərdə çevriliş cəhdindən və Rusiya ilə mübahisədən sonra bu sahədə geriləmə baş verdi, lakin keçən il təxminən 40 milyon turist geri döndü.
Hökumət sentyabr ayında turizm strategiyasına başlayıb. Bununla 2020-ci ildə 180 milyon dollarlıq turizm reklam fondu ilə 150 faiz artım nəzərdə tutulur. Bunun böyük bir hissəsi turizm şirkətləri tərəfindən yeni qurulan Turizmin Təşviqi və İnkişafı Agentliyinə ödəniləcək. Otellər ümumi gəlirlərinin 0.75 faizini ödəyəcək.
Bundan əlavə, Türkiyə 2020-ci ilin sonunadək 1 faiz səviyyəsində müəyyən ediləcək və daha sonra 2 faizə qaldırılacaq yaşayış vergisi tətbiq edərək, bu il vergi tənzimləmələri qəbul edib.
Armada Beynəlxalq Otelçilər assosiasiyasının sədri Kasım Zoto ərzaq, spirtli içkilər, təbii qaz və elektrik enerjisi qiymətlərinin artmasının ümumi xərclərin 35-40 faiz artmasına və bunun müştərilərin xərclərinin yüksəksəlməsinə səbəb olacağını bildirib.
Onun sözlərinə görə, "Türkiyə qiymətlərə həssas bir yerdir və qiymətlərin 1 avro artması belə Türkiyənin turizm sektorunda satış şansını azaldır."
Türkiyə Otellər Birliyi (TUROB) tərəfindən yayımlanan məlumatlar İstanbuldakı orta gündəlik tariflərin 91, cənubda Antalyada isə 98 avro olduğu halda, bu göstəricilərin Afinada 142, Milanda 151 və Barselonada 150 avro təşkil etdiyini göstərir. Bütün bu şəhərlər Türkiyənin rəqibləridir.
Türkiyə 2023-cü ildə 75 milyon turist və 65 milyard dollar gəlir əldə etməyi qarşıya məqsəd qoyub, lakin TUROB əvvəlki illərdəki enişdən sonra rəqabət qabiliyyətini yenicə bərpa etdiyi zaman bu yeni xərclərə görə hədəfinə çatmaya biləcəyini bildirib.
