Accessibility links

Türkiyədə İslam Dövləti ilə əlaqəsi olan 43 nəfər həbs edilib


Türkiyə dövlət xəbər agentliyinin verdiyi məlumata görə, polis çərşənbə axşamı İslam Dövləti qrupunun üzvü olmaqda şübhəli bilinən 43 nəfəri həbs edib. Onların Türkiyə Cümhuriyyətinin 96-cı ildönümünün qeyd olunduğu gün hücum törətməyə hazırlaşdıqları deyilir.

Türkiyədə reydlər İŞİD lideri Əbu Bəkr Əl-Bağdadinin öldürülməsindən iki gün sonra başlayıb.

Polis və dövlətin Anadolu xəbər agentliyi şübhəlilərin İstanbulda və ölkənin şimal-qərbindəki Bursada keçirilən ayrı-ayrı əməliyyatlar zamanı həbs edildiklərini bildirib.

Anadolu xəbər agentliyi şəxsiyyəti müəyyən edilmiş üç nəfərin İstanbulda eyni vaxtda keçirilən reydlər zamanı həbs edildiyini bildirib.

ABŞ-in Suriyadakı reydi zamanı Əbu Bəkr Əl-Bağdadinin öldürülməsindən sonra Türkiyədə təhlükəsizlik tədbirləri gücləndirib.

Bazar ertəsi polis Ankarada keçirdiyi əməliyyatlar zamanı İslam Dövləti qrupu ilə əlaqəsi olmaqda şübhəli bilinən 20 xarici vətəndaşı həbs edib.

Türkiyədə 2015-ci və 2016-cı illərdə törədilən hücumlar 300-ə yaxın insanın ölümünə səbəb olub və həmin hücumlarda İslam Dövləti qrupu və kürd militantları günahlandırılıb.

Şərhlərə bax

XS
SM
MD
LG