Taliban cümə günü Əfqanıstan hökumətinin media informasiya mərkəzinin rəhbəri Dava Xan Menapalı məsdicddə güllələyərək öldürüb.
Bu barədə Əfqanıstanın Daxili İşlər Nazirliyi məlumat verir. Taliban bundan bir neçə gün əvvəl artan hava zərbələri səbəbindən yüksək səviyyəli vəzifəli şəxsləri hədəf alaraq qisas alacağı barədə xəbərdarlıq etmişdi.
"Təəssüf ki, vəhşi terrorçular bir daha qorxaq hərəkət etdilər və vətənpərvər bir əfqanı şəhid etdilər" - deyə, Daxili İşlər Nazirliyinin sözçüsü Mirvais Stanikzai bildirib.
Talibanın sözçüsü Zabihullah Mücahid mətbuata göndərdiyi məlumatda bildirir ki, "o, mücahidlərin həyata keçirdiyi xüsusi bir hücumda öldürüldü".
Əfqanıstandakı xarici qoşunlar bu ayın sonuna qədər tamamilə çəkilməyə başladıqca ölkədə qarşıdurmalar daha da şiddətlənib.
Taliban artıq ölkənin bir çox yerinin nəzarətini ələ keçirib. Və indi bir neçə böyük şəhərdə hökumət qüvvələrinə meydan oxuyur.
Müdafiə naziri ona qarşı sui-qəsdcəhdindən xilas olandan bir gün sonra militantlar Əfqanıstan hökuməti liderlərini hədəf alan daha çox hücumlar barədə xəbərdarlıq ediblər.
Çərşənbə axşamı Müdafiə naziri Bismillah Məhəmmədi aylardan sonra ilk dəfə paytaxtda bomba və silahlarla qarşıdurma yaşayıb.
Əfqanıstan və ABŞ hərbçiləri bir sıra şəhərlərdə üsyançılara qarşı mübarizədə hava zərbələrini artırıb. Taliban isə çərşənbə günü buna cavab olaraq Kabilə hücum edib.
