İsrailin Tel-Əviv şəhərində onlarla ana ötən həftə efiopiyalı yəhudinin öldürülməsinə etiraz olaraq aksiya keçirib.
18 yaşlı Solomon Tekahın ölümü Efiopiya icması tərəfindən polis qəddarlığı və ayrı-seçkiliyə qarşı simvol mahiyyəti daşıyır.
Ədliyyə Nazirliyi gəncin polis tərəfindən güllə ilə öldürülməsi hadisəsi ilə bağlı istintaq aparıldığını bildirib.
İsrail adətlərinə görə 7 günlük matəmdən sonra nümayişlər vüsət alıb.
İsrail əhalisinin 2 faizini təşkil edən Efiopiya yəhudiləri ölkənin ən böyük yoxsul icmasıdır. Onlar artıq uzun müddətdir hökumətin laqeydliyi və təzyiqlərindən şikayətçidir.
