Accessibility links

Tofiq Yaqublunun şikayəti üzrə məhkəmə baxışı başlayıb


Tofiq Yaqublunun şikayəti üzrə məhkəmə baxışı başlayıb
please wait

No media source currently available

0:00 0:02:33 0:00

Noyabrın 12-də Bakı Apellyasiya Məhkəməsində hakim Elmar Rəhimovun sədrliyi ilə Müsavat Partiyasının və Milli Şuranın funksioneri Tofiq Yaqublu barədə Nizami Rayon Məhkəməsinin hökmündən verilən şikayəti üzrə baxış başlayıb.

Məhkəmə baxışı dekabrın 3-ə təxirə salınıb.

Koronavirus pandemiyası səbəbindən jurnalistlər məhkəmə zalına buraxılmayıb.

Tofiq Yaqublu bildirib ki, siasyi sifariş hələ olmadığından məhkəmə baxışını uzadırlar.

“Məhkəmədə prosesual pozuntu baş verdi. Bu gün məhkəmə bitməli idi. Məni də dinlədilər. Məhkəmə dekabrın 3-dək təxirə salındı. Mənə elə gəlir ki, müharibə olduğundan hələ siyasi tövsiyə almaq mümkün olmayıb. Dəqiq göstəriş olmadığı, indi yaranmış yeni situasiyada bir qərar çıxarmaq əminlıkləri yoxdur. Ona görə ertələdilər ki, yuxarıdan bir göstəriş alıb, ona uyğun qərar qəbul etsinlər,” o qeyd edib.

Sentyabrın 3-də Bakının Nizami Rayon Məhkəməsi hakim Nəriman Mehdiyevin sədrliyi ilə prezident İlham Əliyevin sərt tənqidçilərindən olan Tofiq Yaqublunun 4 il 3 ay həbsə məhkum edilməsi barədə hökm çıxarıb.

Bu il martın 22-də Tofiq Yaqublunun park edilmiş avtomobilini başqa avtomobil vurub. Buna baxmayaraq Bakının Nizami Rayon Polis İdarəsində Yaqubluya qarşı cinayət işi qaldırılıb.

Sentyabrın 2-də Tofiq Yaqublu son sözündə məhkəmə və hakimiyyəti ittihamı saxtalaşdırmaqda və siyasi sifarişdə ittiham edib. Yaqublu məhkəmədə həbsinə etiraz olaraq aclıq aksiyasına başladığını elan edib.

17 gün aclıqdan sonra sentyabrın 18-də Bakı Apellyasiya Məhkəməsi hakim Elmar Rəhimovun sədrliyi ilə Nizami Rayon Məhkəməsinin Tofiq Yaqublu barədə həbs qətimkan tədbiri haqqında qərarının ev dustaqlığı ilə əvəz edilməsi barədə vəkillərin vəsatətini təmin edib. Yaqublu məhkəmə zalında sərbəst buraxılıb.

Şərhlərə bax

XS
SM
MD
LG