Accessibility links

Tramp administrasiyası qrin kart almaq üçün qaydaları sərtləşdirir


Tramp administrasiyası bazar ertəsi artıq Birləşmiş Ştatlarda olub tibbi xidmət, yemək talonları və ev yardımı kimi sosial müavinətlər alan mühacirlərə daimi yaşayış icazəsi, ya da vətəndaşlıq verilməsi üçün qaydaların sərtləşdirildiyini elan edib.

2019-cu il oktyabrın 15-dən qüvvəyə minəcək yeni qaydalara əsasən, 36 ay müddətində 12 aydan artıq bu yardımlardan birinin alınması sosial təminat kimi müəyyən edilir. Bir ay ərzində iki fərqli sosial müavinətin alınması iki ay kimi hesablanır.

ABŞ-ın Mühacirət və İmmiqrasiya Xidmətinin rəhbəri vəzifəsini icra edən Ken Kuçinelli
ABŞ-ın Mühacirət və İmmiqrasiya Xidmətinin rəhbəri vəzifəsini icra edən Ken Kuçinelli

ABŞ-ın Mühacirət və İmmiqrasiya Xidmətinin rəhbəri vəzifəsini icra edən Ken Kuçinelli bildirib ki, yeni qaydalar ailə əsasında immiqrasiyaya təsir göstərməyəcək, belə ki, ailə üzvlərinin qrin kart almasını sponsorlaşdıran şəxslər artıq onlara maliyyə köməyi göstərəcəklərinə dair xüsusi sənəd imzalayıblar.

Onun sözlərinə görə, administrasiya statusunu dəyişən şəxslərin gələcəkdə sosial müavinətlərdən asılı olması kimi vəziyyətlərin qarşısını almaq istəyir.

Mühacirət fəalları artıq yeni qaydalara etirazlarını bildirir. 200-dən çox təşkilatı birləşdirən Nyu York Mühacirət Koalisiyası yeni qaydaları “ksenofobiya” mahiyyətli adlandıraraq, buna qarşı mübarizə aparacaqlarına söz verib.

Yeni qaydalar həmçinin administrasiyanın vergi ödəyənlər tərəfindən maliyyəşən müavinətlərə ehtiyacı olan yoxsul mühacirlərin sayının azaldılması, eyni zamanda yüksək ixtisaslı və zəngin mühacirlərin Birləşmiş Ştatlara immiqrasiyasına imkan vermək səylərinə uyğundur.

Mühacirlərin hüquqlarını müdafiə edən fəallar və ekspertlər həmçinin yeni qaydaların qanuni mühacirlərin hüquqları olduğu sosial müavinətləri almasına təsir göstərə biləcəyindən narahatlıqlarını ifadə edir. Onlar ABŞ vətəndaşları və ya qrin kart sahiblərinin ailə üzvlərinin immiqrasiya prosesinə təsir edə biləcəyindən qorxaraq, ehtiyac olduğu halda belə, müavinət üçün müraciət etməkdən çəkinə biləcəyindən ehtiyat edir.

Bu, həm də daimi yaşayış icazəsi olan və vətəndaşlığı qəbul etmiş şəxslərin onların Birləşmiş Ştatlarda qalmasına təsirindən ehtiyat edib, sosial müavinətlər almaq üçün müraciət etməkdən çəkinə bilməsinə gətirib çıxara bilər.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG