Vaşinqtonda artıq prezident Donald Trampın Ali Məhkəməyə namizədi, federal hakim Brett Kavanonun təsdiqi ilə bağlı mübarizə başlayıb. Respublikaçılar Kavanonu dəstəkləyir və onu Ali Məhkəməni daha mühafizəkar istiqamətə çəkəcəyinə ümid edir. Demokratlar isə buna qarşı mübarizə aparcaqlarına söz verib, çünki onlar Kavanonun Ali Məhkəməyə daxil olmasından sonra məhkəmənin abort və geylərin hüquqları ilə bağlı mühüm qərarları ləğv edəcəyindən narahatdır.