Konqresin Nümayəndələr Palatasının spikeri Pol Rayan prezident Donald Trampın Arizonanın keçmiş şerifi Co Arpayonu əvf etmək qərarı ilə razı olmadığını deyib. Arpayo bir ay əvvəl onun rəhbərlik etdiyi departament tərəfindən “irqi təhlil” siyasəti yürüdülməsi ilə əlaqədar cinayət işinə əsasən müqəssir tanınıb.
“Hüquq-mühafizə orqanlarının rəsmiləri Birləşmiş Ştatlarda hamının hüquqlarına hörmək etmkə kimi xüsusi bir məsuliyyət daşıyır. Biz keçən bu əvflə həmin məsuliyyətin azaldıldığına inanmasına imkan verə bilmərik”, spikerin sözçüsü Daq Andresin bəyanatında bildirilir.
Arizona ştatını təmsil edən hər iki senator-Con Makkeyn və Ceff Flake də bu addımı tənqid edib.
Hüquq-mühafizə orqanlarının rəsmiləri Birləşmiş Ştatlarda hamının hüquqlarına hörmək etmək kimi xüsusi bir məsuliyyət daşıyır. Biz bu əvflə həmin məsuliyyətin azaldıldığına inanmasına imkan verə bilmərik.Pol Rayan
Ağ Evin cümə günü açıqladığı bəyanatda bildilir: “Şerif olduğu zaman Arpayo cəmiyyəti cinayət və qeyri-qanuni mühacirətdən müdafiə etmək kimi həyat işini davam etdirib. Şerif Co Arpayonun hazırda 85 yaşı var, və ölkəmizə 50-dən artıq əla xidmətinə görə o, prezidentin əvfinə layiq bir namizəddir.”
Tramp keçən həftə kampaniya dövrü tədbirə oxşar görüşdə Arpayou əvf edə biləcəyinə işarə etmişdi. Onun tərəfdarları Arpayonu “Amerikanın ən sərt şerifi” adlandırır.
Arizona ştatının şerifi olduğu dövrdə Arpayo qeyri-qanuni müharcirətə qarşı sərt ölçülər götürülməsinin qızğın tərəfdarı olub. O, keçən ay 2011-I ildə ABŞ dairə məhkəməsinin hakiminin qərarını yerinə yetirmədiyinə görə məhkum edilib. Arpayo məhkəmənin qeyri-qanuni mühacirlərin aşkar edilməsi məqsədilə yollarda yoxlamaların dayandırılması qərarına əməl etməkdən imtina etmişdi.
