“Amerika yenidən Aya çatacaq” vədi vermis prezident Donald Tramp Milli Hava və Fəza Administrasiyasının (NASA) 2011-ci ildə ləğv edilmiş insanlı səma tədqiqat proqramının yenidən canlandırılmasına göstəriş verib.
Ağ Evdə keçirilən mərasimda cari və sabiq astronavtların əhatəsində olan Tramp insan tədqiqatı və kəşflərini nəzərdə tutan Amerikanın səma proqramına yenidən diqqət ayıran direktivə imza atıb.
Bu sənəd 1972-ci ildən bəri ilk dəfə amerikalı astonavtların uzunmüddətli kəşfiyyat məqsədilə Aya geri dönmələri üçün mühüm bir addım hesab edilir.
Tramp Birləşmiş Ştatların gələcək Mars missiyasının reallaşdırılması üçün fondun yaradılacağını və daha da irəli gedəcəklərini əlavə edib.
