Birləşmiş Ştatlar prezidenti Donald Tramp çox sayda təhlükəli insanın cənub sərhədindən ABŞ-a keçdiyini, buna görə də həmin bölgəyə əlavə qoşun göndərilməli olduğunu deyib.
Çərşənbə günü Texas ştatının San-Antonio şəhərində çıxış edən Tramp qeyri-qanuni miqrantlara görə dörd ölkəni, Honduras, Qvatemala, El-Salvador və Kolumbiyanı günahlandırıb.
Donald Tramp demokratları hazırkı vəziyyətdən çıxış üçün qanunu dəyişmək istəmədiklərində ittiham edərək, bunun 2020-ci il prezident seçkilərində onlara çox baha başa gələcəyi ilə hədələyib.
Tramp gələn il yenidən prezident seçkiləri ilə qarşılaşacaq. 2020-ci ilin noyabr ayında keçiriləcək seçkilərdə Demokrat Partiyasından təxminən 20 nəfər onunla rəqabət aparacaq.