Türkiyə hərbi qüvvələrinin bildirdiyinə görə, keçən həftə hərbi təyyarələr İraqın şimalındakı kürd mövqelərini hədəf alandan bəri 90-dan 100-ə qədər üsyançı öldürülüb. Türkiyə ordusunun açıqladığı bəyanatda hərbi təyyarələrin 132 hədəfi nişan aldığı, 80 nəfərin yaralandığı, yerdən və havadan həyata keçirilən hücumların davam edəcəyi deyilir.
Hərbi əməliyyatlara keçən həftə Ankaranın göstərişi ilə PKK üsyançılarının Türkiyə hərbi qüvvələrini pusquya salaraq, 8 əsgəri öldürməsindən sonra başlanıldı.
