Accessibility links

Türkiyədə ABŞ səfirliyinə təhlükə ilə əlaqədar 4 nəfər saxlanıb


Türkiyə polisi ABŞ-ın Ankaradakı səfirliyinin qarşısındakı yolu bağlayıb, 5 mart, 2018.

Türkiyə mətbuatının verdiyi məlumata görə, Ankarada ABŞ səfirliyinə qarşı təhlükə ilə əlaqədar dörd iraqlı saxlanıb.

Bu haqda xəbərlər ABŞ səfirliyinin bazar ertəsi günü “təhlükəsizliyə hədə” ilə əlaqədar olaraq bağlı olduğunu bildirməsindən sonra verilib.

“Səfirlik işini bərpa etdikdən sonra yenidən açılması haqda məlumat verəcək”, ABŞ səfirliyinin veb səhifəsindəki bəyanatda deyilir. Səfirlik eyni zamanda, Türkiyədəki amerikalılara “diqqət cəlb etməməyi” tövsiyə edib.

Türkiyə mətbuatının bildirdiyinə görə, İslam Dövləti qrupu ilə əlaqəsi olan dörd iraqlı Qara dəniz sahilindəki Samsun şəhərində saxlanıb.

2013-cü ildə ABŞ-ın Ankaradakı səfirliyinin qarşısındı intiharçının üzərindəki bombanı partlatması nəticəsində onun özü və türk mühafizəçi ölmüşdü. Hücuma görə məsuliyyət ölkədəki solçu qrupun üzərinə qoyulmuşdu.

Türkiyədə 2015-ci və 2016-cı illərdə İslam Dövləti qrupu ilə bağlı bir sıra hücumlar törədilib. 2017-ci ildə Yeni ilin qeyd edildiyi gecə klubunda silahlı hücum 39 insanın ölümülə nəticələnib.

Dünyaya Baxış

Dünyaya Baxış. Ukrayna prezidenti bildirib ki, vaxtı silaha çevirməlidirlər
please wait

No media source currently available

0:00 0:11:10 0:00

Amerika İcmalı

Amerika İcmalı. ABŞ Ukraynaya 31 Abrams tankı göndərəcək. Azərbaycanın dövlət büdcəsi.
please wait

No media source currently available

0:00 0:29:58 0:00
XS
SM
MD
LG