Accessibility links

ABŞ Aleksandr Lukaşenkoya əlavə sanksiyalar elan edib


ABŞ çərşənbə axşamı Belarus lideri Aleksandr Lukaşenkoya Ukraynaya hücum zamanı Rusiyanın müttəfiqi roluna görə əlavə sanksiyalar elan edib.

Sanksiyalar Lukashenko və onun həyat yoldaşının ABŞ əmlakına girişini əngəlləyəcək və amerikalıların onlarla iş birliyi imkanlarını məhdudlaşdıracaq.

ABŞ artıq texnoloji ixracın məhdudlaşdırılması da daxil olmaqla, Ukraynaya hücumla əlaqədar Lukaşenkoya qarşı sanksiyalar tətbiq edib.

ABŞ, həmçinin Lukaşenkoya Polşa ilə sərhəddə miqrantlardan siyasi oyun kimi istifadə etdiyinə və bir çox qərb ölkələrinin 2020-ci ildə saxta olduğunu hesab etdiyi seçkilərə görə sanksiya qoyub.

Çərşənbə axşamı insan haqlarının pozulması iddiasına görə, Maqnitski Aktı çərçivəsində bir neçə rusiyalıya qarşı sanksiyalar elan edilib. Onların arasında Moskva hakimi Natalya Muşnikova və müstəntiq Nurid Salamov da var.

Bugünkü ittihamlar göstərir ki, Birləşmiş Ştatlar korrupsiya ilə məşğul olan və ya insan hüquqlarını kobud şəkildə pozanlar üçün konkret və əhəmiyyətli sanksiyalar verməyə davam edəcək.

"Biz Rusiyanın Ukraynadakı humanitar dəhlizlərə hücumlarını pisləyirik və Rusiyanı Ukraynaya qarşı əsassız və qəddar müharibəsini dayandırmağa çağırırıq"- deyə, Xarici Aktivlərə Nəzarət İdarəsinin direktoru Andrea Qaki bildirib.

Ukraynanın işğalı fonunda Rusiya prezidenti Vladimir Putinə maliyyə sanksiyalarını sərtləşdirmək cəhdi ilə dünya ölkələri ona yaxın hesab edilən oliqarxların qiymətli mülklərini ələ keçirib.

Maliyyə sanksiyalarının Putini öz müharibəsi haqqında yenidən düşünməyə vadar edəcəyinə ümid edən bir çox ölkə ona ən yaxın milyarderləri hədəf alıb.

Ukraynanın işğalı başlayandan bəri 20 rusiyalı oliqarx sanksiyaya məruz qalıb.

XS
SM
MD
LG