Ukraynanın Tailanddakı səfiri bazar günü ailəsi birlikdə ikən kurot adasında vəfat edib. Bu barədə rəsmilər xəbər verib.
Qubernator Ekkarat Lisen The Associated Press-ə bildirib ki, 44 yaşlı Andriy Beşta cənubi Satun vilayətinin Lipe adasında ölüb.
Polis Beşta ilə eyni hoteldə qalan yeniyetmə oğluna istinadən bildirib ki, o, bazar günü səhər saatlarında qusub və huşunu itirib. O, atasının bundan öncə özünü yaxşı hiss etdiyini deyib. Polis onun ürək çatışmazlığından əziyyət çəkdiyindən şübhələnir.
Lisen deyib ki, meyit yarılmaq üçün polis hospitalına göndərilib.
Beşta 2016-cı ilin yanvar ayında səfir təyin olunub. Onun həyat yoldaşı, qızı və iki oğlu var.
