BMT-nin Baş katibi Ban Ki Mun Özbəkistanı insan hüquqları sahəsində öhdəliklərinə tam əməl etməyə və ölkədə siyasi ab-havanı yaxşılaşdırmaq məqsədilə daha ciddi addımlar atmağa çağırıb.
Bu gün Daşkənddə universitet tələbələri qarşısında çıxış edən cənab Ban deyib ki, Özbəkistanın insan hüquqlarına dair imza atdığı razılaşmaları yerinə yetirməsinin vaxtıdır. Cənab Ban bildirib ki, o eyni mesajı prezident İslam Kərimovla görüşü zamanı ona da çatdırıb.
BMT-nin Baş katibi Özbəkistanın ölüm hökmünü ləğv etmək kimi addım atmasını alqışlayıb, lakin prezident Kərimovu insan hüquqlarına dair beynəlxalq qanunlar çərçivəsində bütün öhdəliklərə əməl etməyə çağırıb.
