Accessibility links

Urmiyədə 6 fəal şallaq cəzasına məhkum edilib


Urmiyə məhkəməsi keçən ilin noyabr ayında Urmiyədə təşkil olunan etirazlar zamanı nəzarət altına alınan 6 türk fəalı şallaq və cərimə cəzasına məhkum edib.

İnsan haqları üzrə fəaliyyət göstərən HRA agentliyinə istinadən, məhkəmə Əli Əzizi, Elyar Hüseynzadə, Yasin Həsənpur, Keyvan Paşayi, Əmin Zare və Salar Tahir-Afşar barəsində 20 zərbə şallaq və bir milyon yarım tümən cərimə cəzası çıxarıb.

Keyvan Paşayi, Əmin Zare və Salar Tahir-Afşara qarşı çıxarılan cəzalar üç il sınaq müddəti olmaqla şərti hesab edilib.

Fəalların məhkəmə iclası martın 7-də Urmiyə Cəza Məhkəməsinin 101-ci şöbəsində keçirilib. Əli Əzizi başqa bir ittihamla əlaqədar Təbriz həbsxanasında saxlanıldığı üçün iclasa qatıla bilməyib.

HRA-nın xəbərinə istinadən, hakim Həmid Gülinejad, fəalları “ümumi intizam və asayişi pozmaq” və “qanunsuz aksiya keçirərək yolu bağlamaq” ittihamları ilə mühakimə edib.

Keçən ilin noyabr ayında Urmiyədə təşkil olunan etirazlar zamanı nəzarət altına alınan fəallar təhlükəsizlik həbsxanasında bir müddət sorğu-sual edildikdən sonra mülki zəmanət qarşılığında müvəqqəti olaraq sərbəst buraxılmışdılar.

2019-cu ilin noyabrında İranda benzinin qiymətinin artması ardından baş qaldıran etirazlar zamanı ölkənin müxtəlif bölgələrində yüzlərlə etirazçı öldürülüb, minlərlə vətəndaş nəzarət altına alınıb.

Şərhlərə bax

XS
SM
MD
LG