Uruqvay bazar günü prezident seçkilərində kimin qalib gəldiyini bilmək üçün həftə sonunadək gözləməli olacaq.
Seçki Məhkəməsinin rəhbəri Hoze Arosenanın sözlərinə görə, heç vaxt belə gərgin səsvermə olmayıb.
Demək olar ki, bütün bülletenlərin sayılması ilə 46 yaşlı mühafizəkar Milli Partiyanın lideri Luis Lasalle Pou 62 yaşlı solçu Geniş Cəbhənin lideri Daniel Martinezdən 30 000-dən çox səs toplayıb.
Qısa müddət ərzində nəyəsə nail ola bildik. İnanmayanlar çox idi, müxtəlifliklə, tolerantlıqla, fərqli həqiqətlərlə uruqvaylıların etibar edəcəyi bir strategiya ilə geniş spektrdə razılaşan beş tərəf var idi" - deyə, Luis Lasalle Pou seçkilərlə bağlı açıqlama verib.
Oktyabrın ilk turundan bəri keçirilmiş rəy sorğuları Pounun rahat şəkildə qalib gələcəyini göstərmişdi.
Bu yaxınlarda Montevideonun meri və sabiq sənaye naziri, 62 yaşlı mühəndis Martinez seçicilərinə 2005-ci ildən bəri partiyasının rekordunu xatırlatdı, ancaq nə olur-olsun nəticəni qəbul edəcəyini söylədi.
"Nə olursunuzsa olun, həyatda xoşbəxt olmalısınız. Kiminsə nə etdiyinə əmin olan biri bunu davam etdirməlidir. Həyatın bəxş etdiyi gözəlliklər siyasətlə bitmir. Ailə, iş və başqa bir çox zövq alınacaq şey var" - deyə, Daniel Martinez seçkilərin nəticələri ilə bağlı fikrini bölüşüb.
Uruqvay prezidentlərinin ardıcıl müddətə xidmət etməsinə icazə verilmir, lakin Geniş Cəbhə 2005-ci ildən bəri ölkənin rəhbərliyindədir.
Keçmiş prezident Tabare Vasqez Uruqvayın bəzi Cənubi Amerika ölkələrinin yaşadığı qarışıqlıqların qurbanı olmayacağını söyləyib və hakimiyyətin sakit bir şəkildə ötürülməsini proqnozlaşdırıb.
Eniş yaşanan iqtisadiyyat, artan işsizlik və cinayətkarlıq seçiciləri narahat edən əsas məsələlər idi.
