Ağ Evin bildirdiyinə görə, ABŞ-ın milli təhlükəsizlik üzrə müşaviri Ceyk Sallivan türkiyəli həmkarı Akif Çağatay Kılıçla Rusiya və Ukraynadakı hadisələri müzakirə edib.
"Onlar Rusiyada baş verən son hadisələri və Rusiyanın təcavüzünə qarşı özünü müdafiə edən Ukraynaya davamlı dəstəyimizi, həmçinin Türkiyənin Qara Dəniz Taxıl Təşəbbüsünü yenidən başlatmaq səylərini müzakirə edib" - deyə, Ağ Ev bildirib.
Məlumatda onların NATO-nun Vilnüsdə keçiriləcək sammitinə
hazırlıqları da müzakirə etdikləri bildirilib.
"Sallivan vurğulayıb ki, Birləşmiş Ştatlar hesab edir ki, İsveç NATO-ya mümkün qədər tez üzv olmalıdır", məlumatda deyilib.
.
