Accessibility links

USAİD-in maliyyə dəstəyi ilə Azərbaycanda ilkin səhiyyə sisteminin gücləndirilməsi layihəsi həyata keçirilir


USAİD-in maliyyə dəstəyi ilə Azərbaycanda ilkin səhiyyə sisteminin gücləndirilməsi layihəsi həyata keçirilir

Fevralın 14-də Azərbaycanın Şamaxı rayonunda (Bakıdan 122 kilometr qərb) “PROACT-Qayğı” layihəsinin açılışı olub.

Ümumdünya Səhiyyə Təşkilatının (ÜST) Azərbaycan Nümayəndəliyinin məlumatına görə, layihə COVID-19 kontekstində vacib səhiyyə xidmətlərinin göstərilməsində yarana biləcək problemlərin qarşısını almaq üçün ilkin səhiyyə sisteminin gücləndirilməsi, həmçinin, Azərbaycan üçün məqsədəuyğun ilkin səhiyyə modelinin yaradılmasını nəzərdə tutur.

ÜST-nin Azərbaycandakı Nümayəndəliyi tərəfindən həyata keçirilən layihə ABŞ-ın Beynəlxalq İnkişaf Agentliyi (USAID), Böyük Britaniyanın Ukaid, Rumıniyanın RoAid təşkilatları və UPC-Əməkdaşlıq Təşəbbüsü (ÜST-nin tərəfdaşları ilə ortaq layihəsi) tərəfindən maliyyələşdirilir.

ÜST layihənin icra olunmasında Şamaxı Rayon İcra Hakimiyyəti, Səhiyyə Nazirliyi, İcbari Tibbi Sığorta üzrə Dövlət Agentliyi, TƏBİB, Heydər Əliyev Fondu, UNICEF və BMT-nin Əhali Fondu ilə tərəfdaşlıq edir.

Açılış tədbirində ÜST-nın Azərbaycandakı nümayəndəsi Hande Harmancı, Şamaxı Rayon İcra Hakimiyyətinin başçısı Tahir Məmmədov, USAID-nin Azərbaycandakı missiya direktoru Cey Sinqx, UNICEF-in Azərbaycandakı Nümayəndəliyinin rəhbər müavini Min Yuan, Heydər Əliyev Fondunun Beynəlxalq Əlaqələr Departamentinin direktoru Soltan Məmmədov və FAO-nun Azərbaycandakı Tərəfdaşlıq və Əlaqələndirmə Ofisinin rəhbəri Mələk Çakmak çıxış edib.

Tədbir iştirakçıları daha sonra Şamaxıda USAID-in maliyyə və ÜST-nin texniki dəstəyi ilə UNICEF tərəfindən həyata keçirilən “PROACT-Təlim” layihəsi çərçivəsində yaradılan tibb işçilərinin təlim mərkəzi, eləcə də Çarhan və Quşçu kəndlərindəki kənd həkim məntəqələrini ziyarət edib.

Dünyaya Baxış

Dünyaya Baxış. Blinken Avropa müttəfiqləri ilə danışıqlar üçün Almaniyadadır
please wait

No media source currently available

0:00 0:14:30 0:00
XS
SM
MD
LG