ABŞ Konqresi " COVID-lə mübarizə məqsədi ilə Yaxın Şərq regionuna səxavətli yardım təklif edib". Bunu ABŞ-ın USAID təşkilatının Yaxın Şərq üzrə administrator köməkçisi Maykl Harvi deyib.
USAİD və Dövlət Departamenti ABŞ-ın Yaxın Şərqə COVD-19-la mübarizəyə ayırdığı 205 milyonlıq yardım paketi dünya ölkələrinə ayırdığı 1,5 milyard dollarlıq yardım paketinin bir hissəsidir. Bu vəsait hökumətlər, beynəlxalq təşkilatlar və qeyri-hökumət təşkilatlarına ictimai səhiyyə maariflədirilməsinin yaxşılaşdırılmasına, səhiyyə müəssisələrini qorumağa və laboratoriyaların xəstəliklərə nəzarət və sürətli reaksiya qabiliyyətini artırmağa yönəlib.
Harvi Yaxın Şərqdə COVID-19 ilə mübarizə üçün vəsaitin "bölgədəki hər ölkəyə" çatdığını bildirib.
O, Liviya, Yəmən, İraq və Suriyanın qarşıdurmalar səbəbiylə böyük stress altında olmalarına baxmayaraq, pandemiyaya cavabda səhiyyə sistemlərinin həqiqətən yaxşı işlədiyini vurğulayıb:
"Biz bununla qürur duyuruq, çünki bu səhiyyə sistemlərinin potensialını artırmaq üçün çox böyük sərmayə qoymuşuq və yaxşı işlər görmüşük. Müşahidə etdiyimiz regionlarda siyasi rəhbərliklərin yaxşı idarəçiliyini gördük. İndi bizi vəziyyətin yaratdığı iqtisadi dəyərlər narahat edir. İqtisadi inkiafın bərpası üçün nə edə biləcəyimizi düşünür" , harvi bildirib.
O qeyd edib ki, Yaxın Şərqdəki bir ölkənin ABŞ-ın ölümcül koronavirusun yayılmağa başladığı zaman kömək təklifini rədd edib:
"İran imtina etdi ... İran xalqına COVİD-in faciəvi təsirləri ürəkaçan bir şey deyil. ... Bu, çoxnəsilli ailələrə sahib olan bir ölkədir. Dünyada öyrəndiyimiz bir şey var ki, bu da çoxnəsilli ev təsərrüfatları xüsusilə ağır zərbələr alıb. Buna görə də izləməyə və köməyə hazır olmaqda davam edəcəyik. "
ABŞ hökuməti COVID-19-la qlobal mübarizəyə 20.5 milyard dollar ayırıb və bu xəstəliyə qarşı dünya miqyasında səylərin lideri olaraq qalmaq əzmindədir.
Harvi deyib ki, Birləşmiş Ştatlar ehtiyacı olan insanlara həmişə yardım edib.