Almaniya avtomobil istehsalçısı Volksvagen şirkətinin səhmləri Birləşmiş Ştatlarda dizellə işləyən avtomobillərin kompyuter sistemində problem çıxdığı xəbəri yayıldıqdan sonra 13 faiz dəyər itirib.
Səhmlərin dəyəri 20 faizə qədər enib.
Volksvagen şirkətinin icraçı direktoru Martin Vinterkorn müştərilərdən üzr istəyərək, həmin avtomobillərlə bağlı təhqiqatla əməkdaşlıq aparılacağını bildirib.
Dizellə işləyən Volksvagen avtomobillərinin ABŞ-da satışı dayandırılib.
ABŞ-ın Ətraf Mühiti Müdafiə agentliyi 500 min Volksvagen avtomobilini təmiz hava qanunlarını bilərəkdən pozduğu üçün geri çağırıb.
