Accessibility links

Vyanada "Jurnalistlərə hücum: KİV azadlığına təhlükə" mövzusunda konfrans açılıb


"Jurnalistlərə hücum: KİV azadlığına təhlükə" mövzusunda konfrans

Aprelin 12-də Vyanada "Jurnalistlərə hücum: KİV azadlığına təhlükə" mövzusunda konfrans açılıb. ATƏT-in KİV azadlığı üzrə nümayəndəsi tərəfindən təşkil edilən beynəlxalq konfransda diqqət mərkəzində jurnalistlərə qarşı zorakılıq və hədələr olub.

ATƏT-in KİV azadlığı üzrə nümayəndəsi Arlem Dezir konfransı açarkən ATƏT ölkələrini jurnalistlərin müdafiəsi və onlara qarşı zorakılığın dayandırılması üçün götürülmüş öhdəliklər çərçivəsində real addımlar atmağa çağırıb.

Son 20 ildə dünyada 400 jurnalist öldürülüb və 80%-dən çox halda günahkarlar məsuliyyətə cəlb olunmayıb.

Əsas məqsəd jurnalistlərin hakimiyyət tərəfindən nəzarət olmadan sərbəst fəaliyyəti üçün şəraitin yaradılmaslıdır
Arlem Dezir, ATƏT-in media azadlığı üzrə nümayəndəsi

Dezir jurnalistlərə qarşı zorakılığın qarşısının alınması üçün ATƏT-in himayəsi altında xüsusi komitənin yaradılması təşəbbüsünü irəli sürüb.

“ATƏT ölkələri dövlət qurumlarının nümayəndələrinin və jurnalistlərin daxil olacağı komitə vəziyyətin monitorinqini həyata keçirməli, zorakılıq hallarının qarşısını almalı, həm də jurnalistləri qorumalıdır.

Əsas məqsəd jurnalistlərin hakimiyyət tərəfindən nəzarət olmadan sərbəst fəaliyyəti üçün şəraitin yaradılmaslıdır,” o qeyd edib.

Tədbirdə zorakılığa məruz qalmış jurnalistlər və onların qohumları iştirak edir. Çıxışların və diskussiyaların nəticələri ilə bağlı konfransın xüsusi yekun sənədinin qəbulu gözlənilir.

XS
SM
MD
LG