Accessibility links

Müller Maykl Flinnin həbs edilməməsini təklif edib


Xüsusi müşavir Robert Müller 2016-cı il prezident seçkilərində Rusiyanın müdaxiləsi ilə bağlı aparılan araşdırmalarında sabiq milli təhlükəsizlik məsləhətçisinin "əhəmiyyətli yardımı"nı səbəb gətirərək Maykl Flinnin həbs edilməməsini təklif edib.

Flinn Rusiyanın ABŞ-dakı səfiri Sergey Kislyak ilə qarşılıqlı əlaqələri haqqında FBI-ya yalan söylədiyini etiraf edib.

O, Türkiyədəki lobbiçilik haqqında bir sıra yalan ifadələr də verib.

Çərşənbə axşamı federal məhkəmədə Müller Flinnin Tramp keçid qrupu ilə Rusiya hökumət səlahiyyətliləri arasında qarşılıqlı əlaqələrin məzmunu və mövzusuna dair "ilk məlumatları" təmin etdiyini söyləyib.

Məlumat Flinnlə 19 müsahibə zamanı alınıb, buraya digər sənədlər və məlumatlar da daxil edilib.

Müller məhkəməsi Flinnin xarakteri və geniş hərbi karyerasını əsas gətirərək heç bir həbs müddəti istəməyib.

Müllerin təklifi 13 gün ərzində federal məhkəməyə göndərilməlidir.

O, Vaşinqton mahalının federal məhkəməsini tərk edərkən nümayişçilərin onun həbs edilməsinə çağırdıqlarını eşidib.

Flinn Trampın seçilməsi üçün möhkəm kampaniya aparıb və daha kəskin ABŞ-ın xarici siyasəti yürüdəcəyinə söz vermişdi. Lakin daha sonra vitse-prezident Mayk Pensə Kislyakla əlaqələri ilə bağlı yalan danışdığına görə vəzifəsindən azad edilib.

O zaman Flinn FBI-ın Rusiyanın müdaxiləsi ilə bağlı apardığı istintaqın bir hissəsi olaraq Kislyak ilə bütün telefon danışıqlarının lentə alındığını bilməyib.

Prezident Tramp bu araşdırmanı “İfritə Ovu” adlandırıb və 2016-cı il prezident seçkilərində Rusiya rəsmiləri ilə heç bir sövdələşmə olmadığını bildirib.

Dünyaya Baxış

Dünyaya Baxış. Rusiya-Ukrayna gərginliyi fonunda Bayden-Putin görüşü baş tutub
please wait

No media source currently available

0:00 0:12:27 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG