Yəməndə Səudiyyə Ərəbistanının başçılıq etdiyi koalisiyanın hücumu nəticəsində 22 nəfər həlak olub. Bazara hücum zamanı yanğın baş verib, onlarla insan xəsarət alıb.
Hadisə Qırmızı dəniz sahilində yerləşən Xouxa şəhərində qeydə alınıb.
Yardım işçiləri insanların yanmış cəsədlərini daşıyıb. Onların bəzilərinin tanınmaz hala düşdüyü bildirilir.
Hodeyda vilayətinin vali müavini Haşım Əzazinin bildirdiyinə görə, ölənlərin hamısı silahsız dinc vətəndaşlardır.
Koalisiya sözçüsü hücumla bağlı şərh verməyib.
