Bu gün Yəmənin qərbindəki süd zavodunda baş verən partlayış zamanı azı 35 nəfər ölüb. Lakin partlayışın Səudiyyə Ərəbistanının başçılıq etdiyi hava hücumları nəticəsində və ya hökumətə qarşı döyüşən üsyançıların tərəfindən törədilib-törədilmədiyi haqda ziddiyyətli məlumatlar verilir .
Rəsmilər və şahidlərin dediyinə görə, zavod koalisiya qüvvələrinin bu gün səhər tezdən bombaladığı liman şəhəri Hodeydada yerləşir. Digərləri isə həmin bölgənin üsyançılar tərəfindən raket hücumuna məruz qaldığını bildirib.
BMT-nin çərşənbə axşamı verdiyi bəyanatında deyilir ki, beş gün ərzində həyata keçirilən hava hücumları 93 nəfərin ölümünə, 364 nəfərin yaralanmasına səbəb olub.