ABŞ qüvvələri Yəməndə Əl-Qaidə və İslam Dövləti qrupuna qarşı hava kampaniyalarını intensivləşdirərək, dekabr və yanvar aylarında 18 hava hücumu həyata keçirib.
Hücumlar əsasən Əl-Qaidəni hədəf alıb. 5 hücum İŞİD-ə qarşı olub.
Dekabr hücumlarının birində Əl-Qaidənin silah təminatçısının müavini Həbib Əl-Sanaani öldürülüb.
O, silahlar, partlayıcılar və maliyyə yardımlarını Yəmənə keçirməyin məsuliyyətini daşıyırdı. Bu, ABŞ-ın Mərkəzi Komandanlığının bəyanatında bildirilib.
“Hər bir hücum zorakı ekstremist qruplaşmalarının məğlubiyyəti, ABŞ və onun müttəfiqlərinin müdafiəsi mahiyyəti daşıyıb”- deyə, Mərkəzi Komandanlığın sözçüsü Earl Braun bildirib.
2017-ci ildə ABŞ Yəməndə 130 dəfə havadan zərbələr endirib. Bu, Obama administrasiyası dövründə həyata keçirilən hücumlardan 6 dəfə çoxdur.
