Yeni Zelandiya polisi Bəyaz adada püskürən vulkanla bağlı təhqiqatı davam etdirir. Hadisə 5 nəfərin ölümü ilə nəticələnib. 31 nəfər xəstəxanaya yerləşdirilib.
Milli Əməliyyat Komissiyasın direktor müavini Con Timsin bildirdiyinə görə, ölüm və xəsarətlərə səbəb ola biləcək hər bir cinayət şahidlərin ifadəsi ilə müəyyən edilməkdədir.
Baş nazir Casinda Ardern parlament qarşısındakı çıxışı zamanı baş verənləri böyük faciə adlandırıb, polis və müdafiə qüvvələrinin axtarışları davam etdirdiyini, lakin sağ qalanlara dair heç bir işarə olmadığını deyib.
Baş nazir vulkanın püskürdüyü an adada 47 nəfərin olduğunu bildirib. Onlar arasında Avstraliya, Britaniya, ABŞ, Çin və Malayziya vətəndaşları olub.
Vulkanın püskürdüyü anı canlı çəkən kameralar püskürmə başlamazdan bir neçə dəqiqə əvvəl krater mərtəbəsində gəzən turistləri göstərib.
