Accessibility links

Yens Stoltenberq: “Azərbaycan NATO-nun yaxın tərəfdaşıdır”


Yens Stoltenberq

Azərbaycan NATO-nun yaxın tərəfdaşıdır, beynəlxalq sülh və təhlükəsizliyin bərqərar olunmasında alyans ilə sıx əməkdaşlıq edir.

Bu barədə NATO baş katibi Yens Stoltenberq Vaşinqtonda NATO-nun təsis olunmasının 70-ci ildönümü münasibətilə NATO xarici işlər nazirlərinin iclası çərçivəsində mətbuat üçün açıqlamasında deyib.

O, NATO-nun rəhbərliyi altında Əfqanıstanda həyata keçirilən "Qətiyyətli dəstək" missiyasına Azərbaycanın əhəmiyyətli hərbi qüvvə və multimodal tranzit töhfəsi verdiyini diqqətə çatdırıb.

Bundan əlavə, NATO baş katibinin sözlərinə görə, 2017-ci ildə fəaliyyətə başlamış Bakı-Tbilisi-Qars dəmir yolu NATO-ya üzv dövlətlər tərəfindən Əfqanıstana və geriyə daşımalar zamanı istifadə olunur.

Yens Stoltenberqin bəyanatı ilə əlaqədar Azərbaycan Xarici İşlər Nazirliyinin şərhində deyilir ki, Azərbaycanla NATO arasında tərəfdaşlığın əsası 1994-cü ilin mayında Sülh Naminə Tərəfdaşlıq çərçivə sənədinin imzalanması ilə qoyulub.

2003-cü ildən Azərbaycan NATO-nun Əfqanıstanda həyata keçirilən əməliyyatına töhfə verir. Hazırda Azərbaycanın 6 nəfər qərargah zabiti və 2 nəfər hərbi həkim olmaqla 120 nəfərlik heyəti Alyansın Əfqanıstandakı "Qətiyyətli dəstək" missiyasının tərkibində xidmət edir.

2017-ci ildə Bakı-Tbilisi-Qars dəmir yolunun işə salınması ilə Əfqanıstana multimodal daşımalar üçün geniş imkanlar yaranıb. Bu yol Lapis-Lazuli nəqliyyat dəhlizinin əsas hissəsini təşkil edir və NATO dövlətlərindən Əfqanıstana fasiləsiz və təhlükəsiz daşımalara mühüm töhfə verir, Azərbaycan Xarici İşlər Nazirliyinin mətbuat xidməti qeyd edib.

Dünyaya Baxış

Dünyaya Baxış. Tofiq Yaqublu döyülməsi ilə bağlı prokurorluqda ifadə verib
please wait

No media source currently available

0:00 0:11:46 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG