Yəmənin mərkəzi bölgəsindəki qəbilə döyüşçüləri neft kəmərini yandırıb və bölgəyə aparan yolları dağıdıb. Rəsmilərin bildirdiyinə görə, təxribata Məarib vilayətində yol verilib. Təxribatın hökumət əleyhinə etirazlarla əlaqəsi olub-olmadığı bəlli deyil. Bu ölkədə həftələrdir prezident Əli Abdulla Salehin 32 illik hakimiyyətinə son qoyulması tələbi ilə nümayişlər keçirilir. Dünən Yəmənin təhlükəsizlik qüvvələri bir sıra bölgələrdə nümayişçiləri atəşə tutub.