Alman parlamentində keçirilən səsvermə nəticəsində əksəriyyətin üstünlüyü ilə Yunanıstan üçün nəzərdə tutulmuş üçünçü xilas paketinin müzakirəsinə başlamaq qərarı verilib.
Aşağı palatanın qanunvericiləri hökumətin xilas planının təfərrüatlarının müzakirəsi təklifinə 439 nəfər lehinə, 119 nəfər əlehinə və 40 nəfər bitərəf olmaqla səs veriblər.
Yunanıstanın xilas planında ən böyük pay sahibi olan bir ölkə kimi Almaniya bu köməyin əvəzində xərclərin ciddi şəkildə kəsilməsi, o cümlədən vergi artımını təklif edir.
Çərşənbə axşamı Avrozonanın maliyyə liderləri Yunanıstana təcili borclarının bir hissəsini qaytarması üçün qısamüddətli kreditin verilməsi, eyni zamanda üç il müddətini əhatə edəcək 94 milyard dollarlıq xilas paketinin müzakirəsinə başlamaq haqqında razılığına gəliblər. Bu xilas paketi Yunanıstanın son beş ildə aldığı üçüncü yardımdır.
Avropanın 19 ölkəsini birləşdirən Avro blokunun maliyyə nazirləri bu qərarı rəsmi Afinanın çərşənbə axşamı kreditorların tələb etdiyi sərt islahatların keçirilməsi haqqında verdiyi razılıqdan sonraya təsadüf edir.
