Rusiyada qərargahlanan internet təhlükəsizlik şirkəti indiyədək ən zərərli virus aşkar etdiyini xəbər verir.
Kasperski Laborotoriyaları bildirir ki, “Alov” adlı kompüter proqramı ekspertlərin indiyədək gördükləri ən mürəkkəb dağıdıcı proqramdır. Belə ki, onu əksər təhlükəsizlik sistemləri vaxtında tapa bilmir.
Yoluxduğu maşınlardan informasiya alan “Alov” iki ildir ki, fəaliyyətdədir.
“Alov”a görə məsuliyyəti kimin daşıdığı aydın deyil. Bəzi informasiya texnologiyası ekspertləri proqramın mürəkkəbliyini onun hökumət orqanlarından qaynaqlanması ilə izah edirlər.