Rəngli təpəliklər kiçik bir ərazini əhatə etsə də bu tip süxur və qayalıqları yolboyu bir çox yerdə görmək mümkün idi. Fori ərazisi, Sheeprock təpəliyi və Blue Basin kimi yerlər eyni zaman dilimində yaransa da hamsı bir-birindən rəng və xüsusiyyətinə görə çox fərqli idi. Başdan ayağa firuzəyi, yaşıl və mavi rənglərə boyanmış Blue Basin ərazisinə vaxtilə cığır açıb sonra qurumuş çayın bu təpəliyi bir adaya bənzətməsi sayəsində həm də Zamanda Ada adı verilmişdir. Nəsli kəsilmiş bir çox qədim heyvanın qida və yaşam tərzi, həyat mübarizəsi, zamanın təsiri və önəmli iqlim dəyişiklikləri bu ərazilərin necə bu hala keçməsini gözümüzdə canlandıra bilmək üçün olduqca önəmli idi.