NBA komandasının menecerinin Honq Konqla bağlı şərhi çinlilərin qəzəbinə səbəb olub

NBA-in (Milli Basketbol Assosiasiyası)Houston Rockets komandası 2000-ci illərin əvvəlində çinli ulduz Yao Minq klubda oynamağa başlayandan sonra Çində populyarlaşıb. Lakin bu həftə komandanın baş meneceri Honq Konqdakı demokratiya tərəfdarlarına dəstəyini ifadə edən tvit atandan sonra Çində komandaya qarşı münasibət dəyişib. Həm liqa həm də komanda baş menecerin sözləri ilə razılaşmadıqlarını bildirib.