50 ildən artıqdır ki, təmiz hava və suya diqqət yetirən, çirklənmə ilə mübarizə aparan və təbiəti mühafizə səylərini dəstəkləyən 22 aprel-Yer Günü qeyd edilir.
ABŞ senatoru Gaylord Nelson 1970-ci ilin aprelində Yer Gününün yaradılmasına rəhbərlik edərək, Vyetnam Müharibəsinə qarşı bir çox kollec kampuslarında keçirilənlərə bənzər bir sıra təlimlər keçirməyə çalışıb.
İlk Yer Gününün uğuru ABŞ-ın iki mühüm ekoloji qanununun - Təmiz Hava Aktı və Təmiz Su Aktının qəbul edilməsinə kömək edib.
2009-cu ildə Birləşmiş Millətlər Təşkilatı eyni tarixdə Beynəlxalq Ana Yer Gününü təsis edib. Bu mərasimi təsis edən qətnamədə deyilir ki, “indiki və gələcək nəsillərin iqtisadi, sosial və ekoloji ehtiyacları arasında ədalətli tarazlığa nail olmaq üçün təbiət və Yer kürəsi ilə harmoniya təşviq etmək lazımdır”.
Yer Gününün anılması təbii ərazilərdə könüllü təmizlik kimi tədbirləri əhatə edir.
ABŞ prezidenti Co Bayden iqlim dəyişikliyini “zəmanəmizin mövcud böhranı” adlandıraraq, “daha yaşıl, daha dayanıqlı planetin qurulmasının” heç vaxt bu qədər aktual olmadığını deyib.