Çin dövlət mediasının məlumatına görə şərqi Çində qeyri-qanuni fişəng zavodunda baş verən partlayış nəticəsində 13 adam həlak olub.
Rəsmi Şinhua xəbər agentliyi bildirir ki, partlayış şənbə günü Şandonq vilayətinin Veyfanq şəhərində baş verib.
Rəsmilər partlayışın qeyri-leqal fişəng düzəltmə əməliyyatı zamanı baş verdiyini deyirlər.
Hökumət orqanları ilk öncə 3 nəfərin öldüyünü xəbər vermişdilər.
Lakin sonradan zavodda əlavə 10 adamın cəsədi aşkar edilib.
Çinin nəhəng fişəng sənayesi özünün qeyri-adekvat təhlükəsizlik standartları ilə tanınır.