<!-- IMAGE -->
Əfqanıstanın cənubunda NATO-nun Türkiyənin hərbi personalını daşıyan vertolyotu qəzaya uğrayıb. NATO rəsmiləri qəza nəticəsində ölənlərin olmadığını bildirirlər.
Vertolyotda olan əsgərlər yaxınlıqdakı tibbi obyektlərə aparılıblar. İnsidentlə bağlı təhqiqat aparılır, lakin rəsmilərin bildirdiyinə görə hadisənin düşmən tərəfindən aksiya olduğuna dair dəlil yoxdur.
Bu arada, Britaniya hökuməti bildirir ki, Əfqanıstanın cənubunda Helmənd vilayətində yol kənarında yerləşdirilmiş bomba partlayışı nəticəsində dünən bir Britaniya əsgəri həlak olub.